Për numrin e kioskave në vend padyshim që Shqipëria dhe sidomos Tirana në rast se numëroheshin do të thyenin rekorde. I’u gëzuam para disa vitesh heqjes së kioskave anës Lanës dhe tashmë janë ‘mbjellë’ në çdo pikë të qytetit.
Pas kioskave me produkte të paketuara, ku molto e ku patetina dhe ndonjë shishe ujë që konkurrojnë çdo dyqan, në sytë e kryeqytetasve janë shfaqur edhe disa modele të tjera. Këtë herë funsksionojnë si Fastfood-e të lëvizshme.
Nuk paguajnë parkim, taksat shumë më të lira se çdo dyqan Fastfood-i, shërbim jashtë çdo kushti higjeno-sanitar po sërish qëndrojnë në këmbë.
‘’Nisma mirëmëngjes. Kam vënë re ditët e fundit se në Tiranë janë instaluar edhe këto kioskat e reja të fast food. Nga logo duket që zotërohen të gjitha nga e njëjta kompani. Këto rrinë parkuar 24 orë në rrugët publike ku ne të tjeret paguajmë 100 lek ora dhe zënë gati dy vende parkimi.
Energjine e marrin nga shtyllat e ndricimit, faturën e të cilave e paguajmë të gjithë ne bashkë. Në mënyrë të pandershme këto kioska konkurojnë dyqanet e fast food që paguajnë taksa e rropaten prej vitesh. Njësoj si kioskat të cilat po konkurojnë padrejtësisht marketet e vogla. Ne revolucion ndoshta nuk bëjmë dot, por mund të zgjedhim ti falimentojmë keta skutha me mbeshtetje politike duke i bojkotuar’’, është shqetësimi i një qytetai i dërguar te ‘Nisma Thurje’.
E në fakt apeli i tij për t’i bojkotuar këto kioska do të ishte zgjedhja e mirë, më së pari për shëndetin e gjithsecilit. (E.K/SHUPLAKA)
Discussion about this post