Kryeministri Edi Rama ka dalë sot në një komunikim me gazetarët dhe ndjekësit e tij në rrjetet sociale.
Duke folur për zgjedhjen e Presidentit ai u shpreh se Meta ka marrë me të mira më shumë PD-në sesa Partinë e tij.
‘’Partia Demokratike ka apsur si qëllim që të na përçante ne koalicionin me LSI-në. Unë kam qenë shumë i qetë që kjo nuk do të funksiononte pasi e njoh fare mirë qëndrimin e tij. Faktikisht Presidenti i zgjedhur bëri çdo përpjekje edhe suke shkuar përtej vijës që ne mendonim se nuk duhej të kapërcehej.
Ato kulmuan me ftesën për PPE-të që të negocionin për të kthyer PD-në në rrugën e arsyes. Ju e dini që ne i dogjëm të tre raundet edhe pse votat i kishim. Vazhduam të kërkojmë që të përçojmë zërin e arsyes që PD-ja ka vendosur rreth vetes. Nuk patëm sukses në këtë përpjekje, edhe pse në momentet që PPE-të sollën këtu një nga figurat më kryesore si McAllister ende kishte mundësi që Presidenti të ishte sa më konsensual.
President më konsensual PD-ja nuk gjente në këtë vend përtej Metës. Kur është dashur puna Meta ka marrë me të mira më shumë PD-në sesa PS-në dhe Partinë e tij në Kuvend.
Siç e dini shkuam deri te takimi famëkeq i Pallatit të Kongreseve, dy krerë Partie që rrinë në dhoma të ndara, njëri me një gjerman dhe tjetri me gjerman tjetër. Ilir Meta ka pranuar menjëherë ofertën e ndërkombëtarëve, ndërsa unë jam shprehur kështu ‘’Nuk i pranoj po as i refuzoj, vetëm nëse PD-ja do të votojë Vettingun’’, po nuk patëm më shumë mundësi diskutimi pasi Basha u largua nga Pallati i Kongreseve ’’, u shpreh Rama.
