Kreu i LIBRA-s Ben Blushi, akuzat që ka bërë nga foltorja e Parlamentit gjatë këtyre viteve ndaj kryeministrit Edi Rama, siç duket ka vendosur t’i konkretizojë përmes njerëzve të thjeshtë.
Në një video të publikuar në Facebook, shfaqet Blushi përkrah një punonjësi të një biznesi privat, i cili ankohet për çmimin e energjisë elektrike, por edhe për të tjera çështje.
BISEDA:
Qytetari: Kisha menduar të mos votoja fare se po na shkatërrohet puna, na helmuan me kazanet me trotuarin që shitet malli jashtë dhe këtu vijnë më kërkojnë mua mbeturina, papastërtia në rrugë…
Blushi: Vetëm ne mund t’ju ndihmojmë, se Basha me Ramën u bënë bashkë, ne do shkojmë për ti ndëshkuar, vetëm ne mund t’ju mbrojmë ju, i kam dhënë provat deri më sot.
Qytetari: Korrentin na e kanë bërë 170 lekë kë me gjithë TVSH.
Blushi: Thuaja pak se ky i paafti që është kryeministër thotë e kam ulur korrentin.
Qytetari: Kush e ka ul? 168 lekë është çmimi bashkë me tvsh te biznesi.
Blushi: Dëgjoje pak sa është çmimi i korrentit se kam 3 vjet që i them e ka rrit me 40% çmimin e energjisë. Ju kanë detyruar të paguani energjinë, i kanë rrit çmimin më të varfërve dhe atyre që janë të pasur nuk u marrin asnjë lekë. (D.D/Shuplaka)
Discussion about this post