Një person është vënë në pranga dhe një tjetër është shpallur në kërkim nga Policia e Krujës pas gjetjes dhe asgjësimit të 51 bimëve kanabis në sera në fshatin Mallkuç të Krujës.
Është arrestuar shtetasi Florian Ujka 24 vjeç, banues në Mallkuç, Krujë dhe është shpallur në kërkim vëllai i të arrestuarit, me iniciale A.U. 27 vjeç.
Dyshohet se shtetasit e mësipërm janë kultivues të bimëve narkotike Cannabis Sattiva të asgjesuar me anë të djegies.
Detaje të Policisë së Krujës:
Krujë, më 31.05.2017.
Vijon zbatimi i planit të masave për goditjen e rasteve të kultivimit të bimëve narkotike. Asgjesohen 51 bimë Cannabis Sattiva. Arrestohet në flagrancë një shtetas dhe shpallet në kërkim një tjetër.
Specialistët për Krimet në Komisariatin e Policisë Krujë, në zbatim të planit të masave për kontrolle në sera dhe çdo vendi të mundshëm, me qëllim parandalimin e kultvimit të bimëve narkotike, kanë goditur një tjetër rast të tillë.
Në bazë të informacioneve të marra nga Strukturat Policore dhe pas një pune hetimore të mirëorganizuar, kanë bërë të mundur arrestimin në flagrancë të shtetasit:
- Florian Ujka 24 vjeç, banues në Mallkuç, Krujë.
Gjithashtu është shpallur në kërkim dhe po punohet për kapjen e shtetasit:
- A.U. 27 vjeç, banues në Mallkuç, Krujë, vëllai i të arrestuarit
Më datë 30.05.2017, gjatë kontrollit të ushtruar në Krujë, në fshatin Mallkuç, u konstatuan dhe asgjesuan me anë të djegies:
- 51 bimë të dyshuara të llojit Cannabis Sattiva.
Nga veprimet hetimore të kryera dyshohet se shtetasit e mësipërm janë kultivues të bimëve narkotike Cannabis Sattiva të asgjesuar me anë të djegies.
Materialet i kaluan Prokurorisë së Rrethit Gjyqësor Krujë për veprime të mëtejshme për veprën penale”Kultivmi I bimëve narkotike” në bashkëpunim parashikuar në nenin 284/2 të Kodit Penal.
(XH.A/SHUPLAKA)
