Kishin vjedhur kalin në Greqi, arrestohet bashkëpunëtori, në kërkim autori

Një shtetas është vënë në pranga dhe një tjetër është shpallur në kërkim lidhur me përdorimin e një kafshe pune (kalë), i cili ishte vjedhur në shtetin grek.

Është arrestuar shtetasi Klevi Bami, i cili mbante kalin e vjedhur nga shtetasi me iniciale H. Ç. 24 vjeç, të cilin nuk e kishte denoncuar dhe është shpallur në kërkim 24-vjeçari.

Detaje të Policisë së Korçës:

Specialistët e Seksionit për Krimet në Komisariatin e Policisë Devoll, bënë kapjen dhe arrestimin në flagrancë të shtetasit :

Klevis Bami, 33 vjeç,  banues në fshatin Tren-Devoll.Si edhe u bë shpallja në kërkim e shtetasit:  

H.Ç, 24 vjeç, banues në fshatin Tren-Devoll.

Kjo pasi shtetasi Klevis Bami u kap duke mbajtur një kafshë pune (kalë), i cili dyshohet se është vjedhur nga shtetasi H.Ç, në shtetin Grek.

33 vjeçari nuk ka kallëzuar në organet kompetente, edhe pse ka patur dijeni për këtë fakt.

Materialet i kaluan Prokurorisë të Rrethit Gjyqësor Korçë për veprat penale : “Moskallëzimi i krimit” dhe “Vjedhja” parashikuar nga nenet 300 e 134 të  Kodit Penal.