Kishte deklaruar se në verë do largohej, Lu: Nuk iki pa vënë drejtësi në Shqipëri

Ambasadori Amerikan në Tiranë, Donald Lu është i ftuar special mbrëmjen e sotme në “Portokalli”.

“Nuk iki pa vënë drejtësi në tregun e madh të shoqërisë shqiptare”, ka thënë Donald Lu.

Mes batutave edhe të aktorëve të “Portokallisë”, Donald Lu e tha sërish troç. Ai iu drejtua aktorëve, që ishin në rolin e liderëve politik në vend, duke u thënë: “Gjithmonë shisni gjërat e gabuara për njerëzit”.

Ndërkohë, publiku thërriste: “Peshkun e Madh”.

“Na doli mjekra duke pritur, o burrë!”, iu drejtua Ambasadori Lu “Edi Ramës”.

Kujtojmë që Donald Lu kishte deklaruar se në verë ai do të largohej nga Shqipëria, edhe pse kishte dashur që qëndrimi i tij në vednin tonë të shtyhej.

(B.H/Faxweb)