Një 44-vjeçare ka rënë në prangat e policisë në Përmet. Sadete Rakipi akuzohet për “Moskallëzim krimi” dhe “Mashtrim”.
Ajo kishte dijeni që vajza e saj e mitur ishte abuzuar seksualisht disa muaj më parë nga një shtetas. Për këtë ajo nuk ka kallëzuar në polici.
Gjithashtu një shtetasi të huaj ajo i ka marrë një shumë parash përmes mashtrimit në rrjetet sociale.
Njoftimi i Policisë:
Përmet
Vihet në pranga një shtetase e shpallur në kërkim, e akuzuar për veprat penale “Moskallëzim i krimit” dhe “Mashtrimi”.
Shërbimet e Komisariatit të Policisë Përmet, vunë në pranga shtetasen S. R., 44 vjeçe, banuese në Përmet, për të cilën Gjykata e Gjirokastrës, me vendimin e datës 27.09.2023, ka caktuar masën e sigurisë “Arrest në burg”, për veprat penale “Moskallëzimi i krimit” dhe “Mashtrimi”.
Kjo shtetase dyshohet se ka patur dijeni se vajza e saj e mitur ishte abuzuar seksualisht nga një shtetas, disa muaj më parë, por nuk ka kallëzuar në Polici. Gjithashtu, dyshohet se i ka marrë një shumë parash një shtetasi të huaj, duke e mashtruar gjatë komunikimeve në rrjetet sociale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
Discussion about this post