Kishte dy ditë që ishte kthyer në vendlindje, gjendet i vrarë babai i tre fëmijëve

Një ngjerje e rëndë ka ndodhur ditën e sotme në Divjakë. Një 62- vjeçar ka vendosur që t’i japë fund jetës, duke u vetëvrarë me armë zjarri.

Viktima është identifikuar si Merdar Kërku, banues në fshatin Bicukas në Divjakë. 62-vjeçari ishte kthyer dy ditë më parë në vendlindjen e tij, në fshatin Kapinovë të Poliçanit dhe mëngjesin e sotëm ka qëlluar veten me armë zjarri në kasollen e vjetër pranë tokave të tij.

Bëhet e ditur se viktima ishte baba i tre fëmijëve dhe është gjetur i vrarë nga komshinjtë e tij të cilët pasi kanë dëgjuar të shtëna armësh janë afruar në banesën e Kërkut dhe e kanë gjetur atë të shtrirë pa jetë dhe të mbuluar me gjak.

62-vjeçari është transportuar drejt morgut të Spitalit Rajonal të Beratit, ku po i nënshtrohet ekspertizës mjeko-ligjore, ndërkohë që janë njoftuar edhe familjarët e viktimës të cilët jetojnë në Divjakë të Lushnjes.