Ditën e fundit të detyrën e saj, shefja në largim e diplomacisë evropiane, Federica Mogherini ka mbledhur liderët e Ballkanit Perëndimor në një darkë pune në Bruksel.
Ajo që bie në sy ka të bëjë me kryeministrin shqiptar, Edi Ramën i cili kishte konfirmuar pjesmarrjen në këtë darkë, por që nuk ka marrë pjesë. Ashtu sikurse është trajtuar edhe gjatë ditës së sotme, Rama ka takuar homologun e tij grek Mitsotakis, një vizitë kjo e planifikuar.
Bën përshtypje fakti se deri më tani nuk ka asnjë njoftim nga ana e kryeministrit për mospjesmarrjen në këtë takim, ndërsa është për tu theksuar fakti që ka të bëjë me një axhendë të tillë politike, ku pavarësisht se në takim me ish-zyrtaren tashmë të lartë të BE-së, ku morën pjesë të gjith liderët e Ballkanit, pavarësisht se kishte konfirmuar pjesmarrjen, ai mungoi.
Mogherini, ka ftuar liderët e Kosovës, Shqipërisë, Bosnjë-Hercegovinës, Maqedonisë, Malit të Zi dhe Serbisë, për të diskutuar së bashku në një tryezë të përbashkët në Bruksel.
Në takimin e sotëm ishin të pranishëm kryeministri maqedonas, Zoran Zaev, presidenti I Kosovës, Hashim Thaçi, ai I Serbisë Aleksandër Vuçiç etj.
Hashim Thaçi dhe Aleksandar Vuçiç takohen për herë të parë që nga viti i kaluar, kur dialogu midis dy shteteve u ndërpre për shkak të vendosjes së taksës 100% nga Kosova për produktet serbe.
Kjo darkë bëri bashkë liderët e Ballkanit Perëndimor në një kohë kur në Kosovë ka ndodhur rrotacioni politik, në rajon është zhvilluar i ashtuquajturi takim I përbashkët për “Mini-Shengen Ballkanik” pa pjesmarrjen e Kosovës, Malit të Zi dhe Bosnjes gjë e cila ka hapur edhe polemika të shumta në rrafshin politik por jo vetëm.
Ndërsa një tjetër sfidë në rajon është ajo e dialogut mes Kosovës dhe Serbisë, i cili prej rreth një viti ka ngecur, e me fitimin e zgjedhjeve nga Albin Kurti, ftohja mes dy vendeve vijon të jetë e njëjtë dhe replikat mospajtuese po ashtu.
Vlen të theksohet fakti i situatës komplekse në dy vendet, përkatësisht Shqipëri dhe Maqedoninë e Veriut pas refuzimit të BE-së për mosçeljen e negociatave, ndërsa po ashtu krisja në politikën shqipfolëse ky kryeministri në detyrë Ramush Haradinaj dhe kryeministri i Shqipërisë Edi Rama, e kanë kthyer me sa duket frymën e mosmarrëveshjeve mes tyre, në përballje gjyqësore, ku ky i fundit ka paralajmëruar se do ta padisë të parin e qeverisë kosovare për shpifje.
(F.GJ/FAXWEB.AL)
Discussion about this post