Kishte kthyer apartamentin në magazinë droge, prangoset shqiptari në Itali

Një 36-vjeçar shqiptar me iniciale L.E  është vën nën prang nga drejtësia  Italiane.

Sipas informacioneve ai e kishte kthyer apartamentin e tij në Torre Angela në një magazinë droge.

Brenda në apartamentin e shqiptarit policia gjeti dhe sekuestroi qindra doza me kokainë, hashash, marijuanë, të paketuar dhe gati për t’u hedhur në treg.

Policia ra në gjurmët e shqiptarëve, pasi kishte vëzhguar me kujdes sjelljet e tyre të dyshimta, pasi dolën nga makina. Më pas policia u vu në ndjekie të tyre, ku arriti që të arrestonte 36-vjeçarin me iniciale L.E.

Gjatë kontrollit trupor atij iu gjet një tufë çelësash, ku njëri prej tyre i përkiste apartamentit ku u gjet droga. Gjithashtu u sekuestrua edhe një pistoletë tip “Beretë”, kalibri 7.65 si dhe një karikator i mbushur.

Pas analizave laboratorike, rezultoi se pistoleta ishte përdorur për një grabitje në Siena në 2014-ën. Në përfundim të hetimeve, 36-vjeçari shqiptar u arrestua për veprat penale të shpërndarjes së lëndëve narkotike dhe armëmbajtje pa leje.