Policia ka vënë në pranga 31-vjeçarin Vladimir Nikolli në Mirditë, i cili u kap në flagrancë në parcelë duke u kujdesur për bimë narkotike cannabis sativa.
Ky shtetas dyshohet se në hapësirën e pyllit në afërsi të fshatit të tij, në një parcelë kishte kultivuar dhjetëra bimë të dyshuara cannabis sativa.
Gjithashtu gjatë kontrollit të ushtruar në banesë iu gjetën dhe iu sekuestruan në cilësinë e provës materiale një sasi prej 4 kilogramësh lëndë narkotike e dyshuar cannabis sativa të cilën ky shtetas e kishte përftuar nga parcela që kishte kultivuar, një armë gjahu, simbole pamore dhe jelek antiplumb si ato të policisë.
Gjithashtu ka nisur hetim për kryeplakun e fshatit Fan.
