Kishte mbetur i bllokuar në Dajt nga dëbora, shpëtohet foshnja 11 muajshe

Një foshnjë 11 muajshe kishte mbetur i bllokuar nga dëbora në fshatin Basdren në Dajt.

Fax News raporton se tashmë foshnja ndodhet në qendrën spitalore “Nënë Tereza” në Tiranë, nën kujdesin e mjekëve.

Mjekët e spitalit Pediatrik në QSUT konfirmojnë se foshnja tashmë është stabilizuar dhe nuk ka rrezik për jetën.Mjekët deklarojnë se

Një foshnje 11 muajsh u shpëtua sot nga ekipi i mjekëve të urgjencës kombëtare mjekësore dhe Njësisë së Helikopterëve në fshatin Basdren të Dajtit, në gjendje të rëndë shëndetësore. Në pamundësi për të mbërritur ambulanca për shkak të bllokimit nga dëbora, foshnja u transportua nga Njësia e Helikopterëve të Ministrisë së Shëndetësisë pranë qendrës spitalore Universitare “Nënë Tereza” në Tiranë.

Po sot, në një tjetër mision të Njësisë së Helikopterëve, mjekët ja dolën të shpëtojnë një grua 60-vjeçare nga Kaçinari i Mirëditës me probleme kardiake, e cila ishte bllokuar nga dëbora prej disa orësh dhe nuk transportohej dot në spital me autoambulancë.

(F.M/Faxweb)