“Kishte mbuluar dyshemenë me 1000 petale”, nga dasma luksoze me VIP-at shqiptarë, tek dyshimet se pse u ekzekutua producenti

Ekzekutimi producentit muzikor Flamur Beqiraj, i cili u ekzekutua me dhjetë plumba në sy të gruas në Londër në prag të Krishtlindjes ka qenë i lidhur me disa vrasje mafiozë në Suedi, ku ai dikur ishte një nga burrat më të kërkuar të vendit dhe pjesë e një bande.

Lindur në Ferizaj, ai njihej me emrin artistik ‘Alex’. Flamuri humbi jetën në vigjilje të Krishtilndjes dy ditë më parë pranë banesës së tij lukzose në sy të djalit të vogël dhe gruas së tij.

Shqiptarit iu bë atentat, mediat në britani shkruan sot se arsyeja e vrasjes mund të ketë lidhje me larje hesapesh pasi Beqiri kishte lidhje me emra të njohur në botën e krimit në Malmo të Suedisë.

Policia në Suedi po punon me Scotland Yard për rastin sepse ‘disa’ nga ish bashkëpunëtorët dhe miqtë e tij janë vrarë pasi ai emigroi në Mbretërinë e Bashkuar tre vjet më parë, një burim i tha gazetës Sydsvenskan në Malmo.

Media britanike shkruajnë se shqiptari jetonte në Mbretërinë e Bashkuar që prej vitit 2016.

Ai ishte i martuar dhe kishin një fëmijë. Beqiri ishte njohur me gruan e tij Debora Krasniqi në Facebook dhe patën një dasmë luksoze në Tetor 2018 në Liqenin e Como në Itali.

Dasma e tyre pati jehonë në mediat shqiptare, sepse persona të famshëm shqiptar ishin pjesëmarrës në këtë martesë, shkruan The Sun.

Zonja Krasniqi i tha revistës që dyshja, fillimisht thjesht miq, ‘u dashuruan thellësisht’ në dasmën e motrës së tij pasi folën për ‘orë pa mbarim në telefon’.

“Gjithnjë kishte diçka të veçantë për lidhjen dhe në lidhjen tonë. Unë u bëra shoqja me e mire e motrës se tij për ca kohë dhe isha në dasmën e saj. Aty u dashuruam me njeri-tjetrin. Propozimi ishte magjik. Gjatë Krishtlindjes shkuam në një shtëpi në Kitzbuhel, Austri. Unë isha në gjumë dhe në orën 5 ai u çua deri ne mëngjes duke mbuluar dyshemenë me 1.000 petale trëndafilash të kuq. Ai me pas vuri këngën ‘Magic’ nga Cold Play, e cila më zgjoi dhe e gjeta në gjunjë në fund të shtratit të rrethuar nga trëndafila. Ajo më vonë gjithashtu u bë kënga e parë e dasmës tonë’, ka thene Debora.