Një oficere vetëm 25 vjeç ka gjetur vdekjen pas një aksidenti tragjik të ndodhur teksa po priste të hapej semafori. Ngjarja ka ndodhur në Lefkada të Greqisë, ku e reja po priste që semafori të merrte ngjyrën jeshile për të shkuar në komisariatin e Patisas.
Por sipas mediave greke, në këtë moment një makinë tjetër ka ardhur nga mbrapa dhe është përplasur me mjetin e 25-vjeçares, i cili u përfshi nga flakët. 25-vjeçarja ngeci brenda, duke gjetur kështu vdekjen, pavarësisht se për nxjerrjen e saj u angazhuan 10 zjarrfikës.
E reja ishte në vitin e fundit të Shkollës së Policisë dhe ishte oficere prove që shërbente në Stacionin e Policisë Patisia. Shkaktari i aksidentit ka rënë në prangat e policisë, ndërsa mësohet se është plagosur lehtë edhe një person tjetër.
(M. I./ Faxweb.al)
Discussion about this post