Kishte ndezur kartonë për t’u ngrohur, humb jetën në banesën në Tiranë i moshuari

Një banesë është përfshirë nga flakët mëngjesin e  sotëm në rrugën ‘’Niko Avrami’’ në Tiranë. Brenda në banesë ka qenë i moshuari 94 vjeçar me inicialet I.Z.

Mesa duket ai e ka pasur të pamundur të largohet në kohë për shkak edhe të moshës së thyer në të cilën ishte. Sipas dëshmive të para i moshuari kishte ndezur disa kartonë për tu ngrohur, por pastaj flakët kanë përfshirë të gjitha orenditë e banesës. Shkak i vdekjes së tij është bërë asfiksimi nga tymi. 

Policia ka mbërritur në vendngjarje dhe po punon për zbardhjen e ngjarjes.