Për të gjithë njerëzit që kanë probleme me tretjen dhe ç’rregullime me kapsllëkun kivi është parë si fruti më i preferuar. Por ama ka një kategori njerëzish që kivi nuk iu bën edhe aq mirë, nëse konsumohet në sasi të mëdha.
Ja cilët janë ata, sipas “WebMed”:
Kategoritë dhe efektet anësore:
Mos i neglizhoni simptomat që mund të shfaqen pasi keni konsumuar një kivi. Kivi është i shëndetshëm për shumicën e njerëzve kur përdoret si ushqim. Por nëse njerëzit janë alergjikë ndaj kivi, ai mund të shkaktojë reaksione alergjike të tilla si probleme të gëlltitjes (dysphagia), të vjella apo edhe më keq.
Shtatzënia dhe ushqyerja me gji: Kivi është i shëndetshëm për gratë shtatzëna dhe ato me gji, kur merret me moderim, pa e tepruar.
Çrregullime të gjakderdhjes: Kivi mund të ngadalësojë koagulimin e gjakut dhe rritjen e gjakderdhjes. Në teori, kivi mund të përkeqësojë çrregullimet e gjakderdhjes.
Alergjitë: Kivi mund të shkaktojë reaksione alergjike tek njerëzit që janë alergjikë ndaj frutave të tjera, bimëve apo erërave të tilla si avokado, pjepër, fik, lajthi, farat e lulekuqes, thekrës, farat e susamit ose grurit. Shmangni ngrënien e kivit ose marrjen e produkteve me kivi nëse jeni alergjik ndaj ndonjë prej këtyre produkteve.
Në kirurgji: Kivi mund të ngadalësojë koagulimin e gjakut në disa njerëz. Në teori, kivi mund të rrisë rrezikun për gjakderdhje gjatë procedurave kirurgjikale. Mos hani kivi ose mos përdorni këto produkte me kivi të paktën 2 javë para një operacioni të planifikuar.
