Giani De Biasi e mbylli vitin 2016 edhe si personazhi i vitit, sipas sondazhit të Top Channel. Një pozicion që e ka befasuar edhe vet trajnerin e kombëtares shqiptare.
“Jam shumë i kënaqur nga rezultati i këtij sondazhi, që më ka renditur mua të parin. Gjë që do të më dukej në fillim e pamundur të isha përpara kryeministrit, mikut tim Edi Rama, i cili po bën një punë shumë të mirë, ashtu si dhe kryebashkiakut Veliaj, që gjithashtu është ndër miqtë e mi dhe nga njerëzit e zotë në atë vend”, është shprehure De Biasi.
Por festat mbarojnë shpejt kur kujton ndeshjen e radhës, atë me Italinë që do të zhvillohet në fundin e muajit mars.
“Sa i përket ndeshjes në Palermo, jam i bindur që Federata italiane e ka bërë me qëllim që të mos ketë shumë tifozë, siç do të kishte në ndonjë qytet në qendër apo në veri të Italisë. Megjithatë kam bindjen se tifozët shqiptarë do ta gjejnë mënyrën për t’u organizuar dhe për të qenë të shumtë në stadium, edhe aty”, vijoi tekniku italo-shqiptar.
Ndërkohë ai pret edhe një dhuratë nga “babagjyshi”.
“Babagjyshi shpresoj që të na dhurojë ndonjë gjë më tepër në mars, që do të ishte shumë më e rëndësishme se në këtë periudhë festash”, tha De Biasi. (A.R/SHUPLAKA)
Discussion about this post