Pas përfundimit të fjalës së tyre në konferencën për mediat, Topalli dhe Imami u janë përgjigjur pyetjeve të gazetarëve lidhur me situatën aktuale politike.
E pyetur nëse ka ardhur momenti t’i lihet rradha të rinjve në Partinë Demokratike, Topalli u shpreh se kjo listë nuk do të thotë gjë për shkak se është lista e familjes Basha dhe biznesve të tyre.
Nga ana tjetër, Arben Imami u shpreh se padyshim që demokratët janë pro frymës së re në parti.
A mendoni se ka ardhur momenti t’u lihet rradha të rinjve?
Topalli: Kjo është vetë historia e PD-së, për të përfaqësuar më së miri. Kur kam hyrë në ’96-ën ishte vetëm një grup. Sot po ndodh e kundërta, jo vetëm që nuk ka asnjë emër që nuk i thotë asgjë PD-së, Lulzim Basha i përdor si alibi.
Kam pasur një dyshim prej kohësh, kjo nuk është Partia Demokratike, kjo nuk është Partia Demokratike, kjo nuk është Partia Demokratike, kjo është një parti qe e ka marrë në dorëzim Lulzim Basha për llogari të interesave familjare, klienteliste, lista e familjes Basha dhe biznesve të tyre.
Imami: Nuk flasim për ata njerëz që kontribuan, nuk flasim për qëndrestarët, për trungun e 2005-ës. Ne padyshim që jemi për të rinjtë, kjo parti këtë histori ka.
(XH.A/SHUPLAKA)
