Ndërkohë që kryeministri Rama ka vizituar ditën e sotme Elbasanin në turin “Bashkia që duam” për të folur për sukseset e qeverisë, një video e publikuar së fundi, e cila tregon realitetin e ashpër për familjet shqiptare është duke bërë xhiron e rrjetit.
Pretagonist të saj janë një çift të cilët në kushte primitive me parmend punojnë tokën, një fenomen ky ndoshta i pakonceptueshëm për shumë prej nesh në ditët e sotme, ku synimi është për më tepër dhe pretendojmë që standarti i jetesës të jet të paktën minimal. Video-ja duket se ka lënë impakt të gjerë tek qytetarët.
Madje ajo është publikuar edhe nga deputeti Luçiano Boçi pak orë më parë, pas vizitës së kryeministrit Rama në Elbasan, i cili shprehet se pamjet e saj janë “ulëritëse, tragjike, revoltuese dhe e papranueshme.”
Në postimin e tij Boçi nuk është përmbajtur dhe duke e kthyer gishtin nga qeveria, si përgjegjëse për gjendjen në të cilën ka arritur vendi ai shton se “kjo është Shqipëria e 2019-ës.”
Ndër të tjera ish-deputeti shprehet se: “ Vula e turpit e një bande-qeveri.
Ky, që habitet e ankohet pse ne domosdoshmërisht duam t’i presim rrugën e marrëzisë në shekullin e 21, e ka kthyer Shqipërinë në shekujt e bujkrobërisë, sundimit të varfërisë, sundimit të llumit e antiligjit.
Rama arriti të mbrehë në parmendë dhe burrin dhe gruan, siç e paraqet videoja, ndërsa rreh gjoksin paturpësisht për suksese e reforma.
Kjo është Shqipëria e shekullit 21 nën Ramën.
Ky është realiteti i dhimbshëm ku jetojmë, prandaj heshtja sot është krim.
Revolta është detyrë qytetare!
E keqja duhet shporrur! “
https://www.facebook.com/luciano.boci.5/videos/2307814459462394/?t=4
(B.L/FAXWEB.AL)
Discussion about this post