Kreu i KQZ-së Klement Zguri po raporton në Kuvend lidhur me raportin financiar të partive politike për vitin 2018. Mes të tjerave Zguri ka folur dhe për lobimin e dyshuar të PD-së, duke thënë se korrupsioni në financim rrjedhimisht sjell edhe zgjedhje të korruptuara, pasi nuk ka transparencë. Ai shtoi se KQZ nuk ka qenë pjesë e hetimeve për financimin, pasi kjo iu takon isntitucioneve të tjera, siç është Prokuroria.
“Janë studiuar masat që duhet të marrë KQZ për zgjedhjet, janë informuar komisionerët për çdo sanksion në rast se nuk respektojnë ligjin. Janë rishikuar të gjitha aktet e udhëzimet nga KQZ.
Janë monitoruar të gjitha financimet e partive parlamentare, KQZ nuk u lejua të futej në hetim për financimet e partive. KQZ nuk mund të hapë hetim pa strukturë të caktuar, KQZ propozoi të ketë autoritet për monitorimin.
Korrupsioni në financim, sjell zgjedhje të korruptuara. Monitorimi duhet bërë për një konkurencë të pastër politike. Ndryshimi i komisionerëve vë në dyshim paanësinë, komisionerët e patrajnuar janë problem për zgjedhjet. Kjo sjellje e partive duhet të marrë fund, shkatërrojnë zgjedhjet”, u shpreh mes të tjerave Zguri.
Kreu i KQZ-së foli dhe për 30 Qershorin, duke thënë se qytetarëve iu duhet mundësuar që të zgjedhin midis alternativave serioze.
‘’Zgjedhjet e 30 Qershorit duhet të jenë konkuruese, shqiptarët duhet të zgjedhin dhe jo vetëm të fitojnë, për këtë duhet të japë llogari politika”, tha më tej Zguri, duke iu referuar zgjedhjeve lokali të 30 Qershorit.
(E.K/FAXWEB.AL)
