Ministrja e Integrimit, Klajda Gjosha, ka zbuluar ndër të tjera edhe mikun e saj më të mirë e dëshirën më të madhe të saj. Në përgjigjet e dhëna ndaj fëmijëve të ftuar në emisionin e mëngjesit “Vila 24”, ajo ka treguar se cila është pjata e preferuar, si është marrëdhënia me vjehrrën, a i ngjan djali –vjeçar dhe a ka bërë gabime si ministre.
Kladja Gjosha zbuloi se miku i saj më i mirë e më i ngushtë është qeni i saj që e ka prej shumë vitesh. “Ai është miku im më i mirë. Ai qan tek dera pranë valixhes sa herë unë iki në udhëtime pune dhe gëzohet shumë kur kthehem.”, është shprehur ndër të tjera ministrja.
Në kaq vite jetë dhe karrierë, ajo është shprehur se miqtë më të ngushtë të saj mbeten ata të fëmijërisë, të cilët i kanë rezistuar kohës dhe nuk ndikohen nga pozita e saj si ministre.
E pyetur për dëshirën e saj më të madhe, përtej të qenit ministre, Klajda Gjosha ka treguar se ka dëshiruar gjithmonë të ketë një vajzë. Ajo u ka treguar fëmijëve se dëshiron të ketë tre fëmijë. Klajda është nënë e Luisit 2-vjeçar, për të cilin rrëfeu se nuk i ngjan dhe aq në tipare por i ngjan në karakter. “Luisi është çapkën, më ngjan në karakter më shumë.”, është shprehur ajo. E pyetur nëse dhe ajo ka qenë çapkëne në fëmijëri, Klajda u përgjigj: “Unë nuk kam qenë çapkëne. Kam qenë e urtë, por Luisi më ngjan për vendosmërinë dhe besnikërinë që ai gëzon.”, është shprehur ajo.
“Bashkëshorti nuk më ka shërbyer asnjëherë kafe. Gjithmonë më thotë “Hajde ikim në lokal”, ka treguar Klajda e pyetur nëse bashkëshorti i ka shërbyer ndonjëherë kafe.
Pyetjes “Po si ministre ke bërë gabime? Të ka dënuar Edi Rama?”, ministrja e Integrimit iu përgjigj me fjalët se nuk ka bërë gabim dhe as kryeministri nuk e ka dënuar. “Ka disa gjëra që mbeten pa bërë se duan më shumë kohë, por jo nuk kam bërë gabime.”, ka thënë ajo. (XH.A/SHUPLAKA)
Discussion about this post