Klandestinët e paligjshëm, Fax News në Qafë-Thanë, pamje nga kufiri i gjelbër (Video)

Juglindja mbetet një nga pikat më të nxehta të kalimit të emigrantëve të paligjshëm.

Kjo ka bërë që në pikën e kalimit kufitar të Qafë- Thanës të merren masa paraprake për ndalimin e këtij fenomeni.

Edhe pse ende nuk është regjistruar asnjë rast i kalimit të emigrantëve të paligjshëm në këtë pikë kufitare, paraprakisht janë marrë masa për krehjen e kufirit të gjelbërt, duke shtuar më tepër kontrollet.

Vetëm një ditë më parë burime për Fax News bënë me dije se 92 klandestinë kanë kaluar ilegalisht nga kufiri i gjelbër në pikën e kalimit kufitar të Kapshticës.

Kjo ka bërë që edhe oficerë të FRONTEX të përqendrohen në pikat kufitare ku mendohet se janë më problematike.

Emigrantët e paligjshëm janë kryesisht nga vendet me konflikt si Siria, Iraku apo disa shtete të Afrikës.

Është identifikuar një rrugë e re që keta emigrantë ndjekin nga Greqia veriore, përmes Shqipërisë, Malit të Zi, Bosnje Hercegovinës, Kroacisë dhe Serbisë, e quajtur ndryshe edhe rruga bregdetare e Ballkanit.

Për më shumë ndiqni kronikën e përgatitur nga Fax News:

https://www.youtube.com/watch?v=Hg8jRyqCkXM&feature=youtu.be
(F.G/Faxweb.al)