Ditën e sotme pritet që të dalin para gjykatës për t’u njohur me masën e arrestit 9 personat e arrestuar të klanit Bajri në Shkodër, pasi dy prej tyre u arrestuan në Hollandë.
Seanca është parashikuar të mbahet rreth orës 14.00 te mesditës ndërsa nuk parashikohët të këte ndonjë ndryshim nga vendimi i mëparshëm i gjykatës që ka vendosur për 11 persona “arrest me burg”.
Ndërkohë që mësohet se një prej dy personave të shpallur në kërkim Enver Bajri, i konsideruar si kreu i grupit kriminal është jashtë Shqipërisë. Sipas burimeve policore dyshohet se ai fshihet në Belgjikë, vend ku ka qëndruar me kohë të plotë gjatë 3-4 viteve.
Policia belge dyshon se grupi Bajri kontrollonte veprimtarinë në fushën e trafikimit të lëndëve narkotike, gjobvënies dhe aktiviteteve të tjera kriminale në shfrytëzimin e prostitucionit. Mbi të pandehurit rëndojnë akuza të rënda penale, të kryera në kuadër të grupit te strukturuar kriminale.
Më të rëndat janë akuzat e vrasjes, që kanë ndodhur në vitet 2000 në Shkodër, ndërsa po hetohen dhe për vrasjen e fundit të Fatbardh Licit, ndodhur pak javë më parë.
(E.K/FAXWEB.AL)
