Kryetari i Komisionit Qendror të Zgjedhjeve, Klement Zguri, bëri të ditur se kur pritet që të përfundojë procesi i numërimit të votave. Ai deklaroi se bazuar në ligj duhet që procesi të përfundojë në orën 22:00 dhe shpreson shumë që KZAZ-të t’ia arrijnë.
në një dalje për mediat bëri me dije se si paraqitet gjendja deri tani nëpër KZAZ. Ai u shpreh për “News24” se ka përfunduar procesi në 19 KZAZ, ndërkohë që në 19 KZAZ të tjera është ndërprerë.
Ndër to, ai bëri me dije se tre prej tyre kanë vendosur ta nisin në orën 17:00, në kundravajtje me ligjin dhe ky shqetësim i është përcjellë strukturave përkatëse për ndërhyrje.
“Sanksione nëse vonohet numërimi?
Varet nga shkeljet që mund të bëhen, nga hetime administrative deri në procedime penale. Janë 19 KZAZ që e kanë përfunduar procesin, 19 të tjera e kanë ndërprerë dhe të tjerat e vazhdojnë. Jo të 19-tat ku është ndërprerë, jo të gjitha përbëjnë shkelje.
Është shqetësuese në tre KZAZ, kanë marrë vendime për ta filluar në 17:00 pasdite. I kemi kërkuar administratës të bëjë të mundur rifillimin. Mbrëmë në Dr u informuam që KZ kishte marrë vendimin për ta shtyrë, na u desh të ndërhynim. Filluan në orën 02:00-03:00 të mëngjesit.
Është e përcaktuar përmes një rregulli strikt se cilat kuti votimi numërohen.
Edhe nga përfaqësuesit e partive politike kemi gjetur mbështetje. Ishin 34 KZAZ që e kishin ndalur procesin, tashmë kanë rifilluar. Ligji thotë që sot në orën 22:00 të ketë përfunduar numërimi, shpresoj shumë që t’ia arrijnë.”, u shpreh Zguri.
(XH.A/SHUPLAKA)
