Ka nisur prej disa minutash mbledhja e Komisionit Qendror të Zgjedhjeve. Tashmë nën drejtimin e Komisionit është Klement Zguri.
Sipas kreut të ri të KQZ-së asgjë nuk ka ndryshuar dhe komisioni duhet të vijojë nga puna për përgatitjen e zgjedhjeve.
‘’Në KQZ asgjë nuk ka ndryshuar, i shtrij dorën gjithkujt që kërkon të ndihmojë në këtë proces’’, është shprehur Zguri.
Nga ana tjetër ajo që shihet nga pamja është mungesa në komision e ish-kryetarit Denar Biba.
Në foto janë 6 anëtarë tre nga mazhoranca dhe tre nga opozita. Biba pas shkarkimit kujtojmë se u shpreh mjaft i revoltuar.
‘’Ja kështu edhe ky “ndryshim kuajsh në mes të lumit”, i padëshirueshëm nga këndveshtrimi i ngushtë i stabilitetit te institucioneve, por i nevojshëm për stabilitetin e vendit. Personalisht e konsideroj një aksident profesional përgjatë një karriere të konsoliduar, qe nuk ka asnje pasoje te pakthyeshme.
Fundja, aksidentet shpesh kane qene shkak per evolucionin njerezor, dhe une e kam të provuar mese njehere kete’’, shprehej pak kohë më parë Biba.
(E.K/SHUPLAKA)
[ngg_images source=”galleries” container_ids=”1903″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
