Prej më shumë se një muaj KLGJ ‘mban në sirtar’ çështjen e mandatit të kreut të KED Ardian Dvorani me pretendimin se pritet një mendim i ndërkombëtarëve OPDAT e EURALIUS. Burimet kanë konfirmuar se ende nuk ka mbërritur një përgjigje duke e lënë pezull çështjen e Dvoranit.
Në mbledhjet onlie të zhvilluara nga KLGJ në këtë periudhë kohe çështja ‘Dvorani’ nuk është përfshirë në rend dite dke mbetur jashtë diskutimeve.
Ardian Dvorani vijon te jete ende gjyqtar në Gjykatën e Lartë dhe kreu i KED-së edhe pas kërkesës së Presidentit Meta për largimin e Dvoranit pas përfundimit të mandatit të tij që nga vitit 2014.
Ishte presidenti Meta i cili pas një ‘lufte’ disa mujore me kreun e KED-së Ardian Dvorani për çështjen e emërimit të anëtarëve të Gjykatës Kushtetuese, dorëzoi në KLGJ kërkesën për dhënien fund të mandatit të Dvoranit.
Ky i fundit kërkoi dhe disa ditë kohë për të arsyetuar se pse KLGJ nuk duhet ta marrë çështjen në shqyrtim dhe shigjetoi direkt vetë presidentin duke i konsideruar lëvizjet e tij si ndërhyrje në pushtetin e gjyqësorit.
Këshilli i Lartë Gjyqësor i gjendur nën presion mes 2 ‘kokave të mëdha’, mori një vendim i cili u cilësua si shmangie nga përgjegjësia: adresim tek EURALIUS dhe OPDAT të çështjes, për të marrë një mendim ‘ekspertësh’.
Por ndonëse ka kaluar më shumë se 1 muaj nga kërkesa e Presidentit të vendit, KLGJ (organ i ri i ngritur nga reforma në drejtësi) ende nuk ka dhënë një vendim përfundimtar nëse Ardian Dvorani duhet të vijojë të mbajë postin e kreut të KED-së apo duhet ta dorëzojë për shkak se është në tejkalim të afateve të mandatit.
Discussion about this post