Klitchko-Joshua do të ndeshen përsëri, këtë javë vendoset rimeçi

 Klitschko mban të drejtat e rimeçit, dhe do të takohet me menaxherin e tij Bernd Boente këtë javë, ku pritet të arrihet marrëveshja e një rimeçi.

“Po shikojmë për të gjitha lokacionet e mundshme për një rimeç. Kjo do të ndodhë”, tha Hearn për ‘Boxing News’

“Derisa Klitschko të ndryshojë mendje dhe të thotë ‘jo, unë po pensionohem’, gjithçka do të shkojë sipas planit. Për momentin mund të ju them se do të ndodh sepse nuk kemi dëgjuar ende të kundërtën”, shtoi Hearn.

“Menaxheri i Klitschkos do të takohet me të këtë javë për vendimin përfundimtar. Kemi oferta për ta zhvilluar ndeshjen në Amerikë, Nigeri, Cardiff apo Dubai, por me shumë gjasë do të ndodhë në Cardiff”, përfundoi ai.

Në një ndeshje madhështore britaniku Joshua e mposhti klichkon me nokaut në raundin e 11 para 90 mijë tifozëve.

Shumë nga admiruesit e Klichkos dhe të boksit besuan se kjo ishte ndeshja e fundit për të, por pas ndeshjes Klichko deklaroi se do të ndeshet përsëri me Joshua, sipas marrëveshjes që ishte rënë dakord.

Pasi të merret vendimi përfundimtar dhe të përcaktohet dueli, sportdashësve të boksit u ngelet të presin për një tjetër ndeshje të madhe ku Klichko ka shansin për t’u hakmarrë. (B.H/Shuplaka)