Kandidati i Partisë Socialiste për kreun e Bashkisë Kavajë Klodian Shehi, vetëm një ditë u tërhoq nga gara, ndërsa sot zbulon arsyet e këtij vendimi.
Në një intervistë për “News 24”, Shehi shprehet i bindur se gëzon mbështetjen për një rikandidim të dytë në Kavajë.
“Do të rikandidoj sërish. Kam mbështetjen e bazës dhe të kryeministrit. Jam ende i habitur për vendimin e tërheqjes nga gara, por i besoj kryeministrit dhe arsyeve të tërheqjes dhe jam gati të përballem me çdo kandidat të opozitës”, ka deklaruar ai.
Ndërkohë një ditë më parë, përpara zyrtarizimit të dorëheqjes së tij, Shehi është shprehur se kërkesën për tërheqjen nga gara e ka marrë vesh nga televizionet.
“Kërkesën për tërheqjen e kam marrë vesh nga televizionet. Jam i gatshëm të kandidoj për Kavajën në çdo moment. Unë do bëj më të mirën për t’i shërbyer qytetit tim.”,tha Shehi. (D.D/Shuplaka)
