Një pritje e gjatë 30 vite… Koha kur shumë futbollistë të Liverpool nuk kishin lindur ende, mes tyre edhe Andy Robertson, një ndër mbrojtësit e krahut më të dalluar në Europë dhe kyç në formacionin e Jurgen Klopp.
“Reds” kanë nisur festën për një titull të super merituar, teksa skocezi për BBC Sport tregoi se si u përjetua ndeshja mes Chelsea dhe Manchester City… duke zbuluar edhe disa episode interesante.
“Festuam në mënyrë të çmendur. Normalisht, kur De Bruyne barazoi me supergolin e shënuar, ramë disi në qetësi, por fatmirësisht, Chelsea reagoi dhe e fitoi ndeshjen. Fitore e rëndësishme për ta, por normalisht, më e rëndësishme për ne”.
“Ende po përpiqemi që të bindim trajnerin të na japë dy ditë pushim. Shpresoj që Klopp të na e plotësojë kërkesën dhe ta shijojmë këtë titull, pasi festa ka vazhduar që tani”.
Por, si e përjetoi trajneri Klopp? “Piu ca birra para se të nisë ndeshja, për të qetësuar trurin. Tani Jurgen është OK, por mendoj se na duhen dy ditë pushime për të marrë veten”, përfundoi Robertson.
Discussion about this post