Ish-kreu i Shërbimit Informativ të Shtetit, Fatos Klosi, shprehet se “në gjykimin e tij”, diskutimet mes drejtorit të CIA-s me drejtues të lartë të vendit, kanë pasur në qendër ndërhyrjet e shpeshta të Rusisë.
Në vorbullën e pështjellimeve që ka shkaktuar ardhja e Drejtorit të CIA-s John Brennan dhe takimet intensive të zhvilluara, Klosi shprehet se qëllimi kryesor mbetet politika ndërkombëtare dhe ndikimi rus. Ky gjykim i tij mbështet deklaratat e Ramës bërë së fundmi edhe për mediat ndërkombëtare.
“Në gjykimin tim diskutimet janë në frymën e re që po përhapet në Ballkan dhe më gjerë të rolit të Rusisë. Ka një situatë jo normale në Europë dhe Ballkan për sa i përket ndërhyrjes nga Rusia, që po kërkon për interes të saj shtrirjen më të gjerë, jo më me ndikim tradicional si në kohën komuniste, por në aspektin politik dhe ekonomik” –shprehet Klosi.
Veç kësaj, i pyetur nga “Mapo”, ish-kreu i SHISH ka përjashtuar mundësinë që kreu i CIA-s të ketë ardhur për çështje të terrorizmit ndërkombëtar, kryesisht çështje që lidhen me ISIS.
Discussion about this post