KLP-ja ka emëruar përkohësisht në Prokurorinë e Fierit, Violeta Shkurta me 7 vota pro, ndërkohë që për këtë pozicion ishte edhe Genc Mane i cili u votua me një votë pro dhe Çlirim Sina me një votë pro.
Violeta Shkurta është caktuar në mënyrë të përkohshme në pozicionin e Drejtuesit në Prokurorinë pranë Gjykatës së Shkallës së Parë, Fier.
Pas shkarkimit të Çlirim Shahinit nga KPK-ja,pasi nuk ka justifikuar pasurinë që zotëronte, është emëruar në krye të Prokurorisë së Lushnjes Arben Dyla.
Trupa gjykuese e KPK-së përbëhej nga Brunilda Bekteshi si kryesuese, Xhensila Pine relatore dhe Suela Zhegu anëtare, ndërsa seanca u ndoq nga vëzhguesi ndërkombëtar Branko Hrvatin.
Pine pohoi se sipas raportit të Inspektoriatit të Lartë të Deklarimit e Kontrollit të Pasurive dhe Konfliktit të Interesit, ILDKPKI, të dorëzuar në KPK, prokurori Çlirim Shahini kishte kryer deklarim të saktë, nuk kishte kryer fshehje të pasurisë apo deklarim të rremë dhe se nuk gjendej në kushtet e konfliktit të interesit.
Përpos kësaj KPK ndërmori një hetim të pavarur lidhur me deklarimin e pasurisë së Shahinit ku evidentohej edhe shkelja, ç’ka solli dhe shakrkimin e tij nga detyra (lexo këtu).
Me 7 vota pro, Arben Dyla është caktuar përkohësisht në pozicionin e Drejtuesit të Prokurorisë së Shkallës së Parë, Lushnje.
Ndërkaq, krahas Arben Dylës ishin edhe dy emra të tjerë që garonin për këtë pozicion, Rovena Zoto e cila u votua me dy vota pro dhe Merita Selimi Qorri, u votua me një votë.
Discussion about this post