Sot në mbledhjen plenare, Këshilli i Lartë i Prokurorisë ka vendosur shtyrjen e afatit për pranimin e aplikimeve për SPAK deri me datën 21 Shkurt 2019.
Vendimi është marrë me 10 vota pro dhe një kundër.
Ai që ka votuar kundër këtij vendimi është n/Kryetari Këshillit të Lartë të Prokurorisë, Alfred Balla.
KLP bën thirrje prokuroreve të shfrytëzojnë këtë afat dy javor për të paraqitur aplikimin e tyre, me arsyetimin se “numri ikandidatëve të cilët kanë aplikuar nuk është ende i tillë që të mundësojëkonkurrencën dhe përzgjedhjen e më të mirëve”.
Mësohet se pak minuta më parë ka aplikuar edhe Vate Staka prokuror në Prokurorinë pranë Gjykatës së Shkallës së Parë në Shkodër.
Deri më tani kanë aplikuar Anton Martini, Klodian Braho, Besnik Muçi, Eneid Nakucin, Edvin Kondilin, Dolorez Musabelliu, Eugen Beci, Dritan Prençi, Shkëlzen Cena, Vladimir Mara, Arben Kraja, Besim Hajdarmataj, Vatë Staka, Behar Dibra dhe Dorina Bejko.
Në strukturën e SPAK do të jenë 15 prokurorë, ndërsa afati i aplikimeve është shtyrë deri me datën 21 shkurt.
Njoftimi për shtyrjen e afatiti:
THIRRJA PËR PARAQITJEN E SHPREHJES SË INTERESIT PËR KANDIDATË NË PROKURORINË E POSAÇME KUNDËR KORRUPSIONIT DHE KRIMIT TË ORGANIZUAR (SPAK)
Në vijim të njoftimit të shpallur në datë 07.01.2018, për fillimin e procedurave për plotësimin e 15 (pesëmbëdhjetë) pozicioneve vakante në Prokurorinë e Posaçme kundër Korrupsionit dhe Krimit të Organizuar, nisur nga fakti që numri ikandidatëve të cilët kanë aplikuar nuk është ende i tillë që të mundësojëkonkurrencën dhe përzgjedhjen e më të mirëve, Këshilli i Lartë ë Prokurorisë vendosi të shtyjë afatin për të pritur aplikimet deri më datën 21.02.2019.
Sa më sipër ftojmë dhe një herë prokurorët e interesuar që plotësojne kriteret sipas ligjit të sipërcituar të aplikojnë për vendet vakante në Prokurorinë e Posaçme kundër Korrupsionit dhe Krimit të Organizuar.
Të interesuarit kanë kohë deri në datën 21.02.2019 për tëparaqitur shprehjen e interest në adresën: Rr. “Qemal Stafa “nr.1. Prokuroria e Përgjithshme.
