KLP zgjedh 5 drejtues të rinj të prokurorive në rrethe, kush do të drejtojë çështjet e nxehta të Elbasanit

Këshilli i Lartë i Prokurorisë ka emëruar sot drejtuesit e rinj në disa prej prokurorive të rretheve.

Me 6 vota pro Këshilli votoi prokuroren Rita Gjati ( Bazaj, Balla, Seiti, Cani, Esmeralda Cami, Beluri) si Drejtuese së Prokurorisë pranë Shkallës së Parë në Kukës, me caktim të përkohshëm 3 mujor.

Po ashtu me 6 vota pro (Ibrahimi, Seiti, Balla, Esmeralda Cami) u miratua projektakti “Për caktimin e përkohshëm të Kreshnik Ajazi ne pozicionin të drejtuesit të Prokurorisë pranë Gjykatës së Shkallës së Parë Elbasan”.

Elbasani është një nga qytetet më të prekura nga krimi i oranizuar, ku vazhdimisht ka pasur përplasje mes bandave, si dhe atentate mafioze, që kanë lënë pas dhjetra viktima.

Puna që do të duhet të udhëheqë Ajazi nuk do të jetë e lehtë, sa kohë që ka  një sërë dosjesh të hapura, need të pazbardhura.

Një tjetër drejtuese e re që është zgjedhur është edhe Violeta Shkurta, e cila është emëruar në krye të Prokurorisë së Fierit.

Po ashtu me shumicë votash është vendosur që Arben Dyla do të marrë drejtimin e organit të akuzës në Lushnje, ndërsa prokuror në Prokurorinë Pukës është caktuar Françesk Ganaj.

(Faxweb.al)