KLSH ka vendosur që të heqë dorë nga kërkesa e pak kohëve më parë për të shkarkuar vëllanë e deputetit Pjerin Ndreu nga Kapiteneria e Përgjigjshme e porteve.
Kontrolli i Lartë i Shtetit kosntatoi pak kohë më par se Ndreu ka kryer shkelje pasi nuk ka ndjekur procedurën për marrjen e lejës për një mjet lundrues dhe për këtë kërkohet largimi i menjëhershëm i tij nga Shërbimi Civil.
Sipas dokumentit që disponononte ”Shuplaka” kërkohet ”largimi nga Shërbimi Civil i Paulin Ndreut dhe Tauland Allka për lejimin e mjetit ”Isola di Lussino” të futet dhe të kryejë punimet në kalatat 7 dhe 8 pa marrë lejet”, thuhet në dokument.
Për këtë shkelje, sipas raportit duhet të mbajë përgjegjësi kapiteni i Portit të Durrësit Allka por edhe Kapiteni i Porteve Paulin Ndreu (i njohur dhe me emrin Pavlin, pas ndërrimit të tij) që ka qenë pjesë e komunikimeve zyrtare me drejtorin e projektit, të cilët kanë kërkuar regjistrimin e mjetit për kryerjen e procedurave.
Sipas auditit Ndreu dhe Allka nuk kanë njoftuar marrjen e lejës së nevojshme nga Ministri i Transporteve apo Këshilli i Ministrave.
Mjeti ka qenë me flamur italian, në pronësi apo i kontraktuar nga kompania ”Lucatelli S.R.L”, e cila punonte për realizimin e punimeve për projektin e rehabilitimit të kalatave.
E megjithë këto akuza nuk dihet se pse është bërë kjo tërheqje e KLSH-së.
(E.K/SHUPLAKA)
Discussion about this post