Shkollat profesioniale në vend kanë nivel të ulët performance si dhe mungesa të konsideruesme të fondeve.
Në këtë përfundim ka arritur Kontrolli i Lartë i Shtetit (KLSH), pas inspektimit të të gjithë shkollave profesionale në vend.
Sipas KLSH-së, mungesa e fondeve po çon në zhvillimin me mangësi të procesit mësimor dhe aq më tepër në realizimin e praktikave mësimore aq të nevojshme për një mësimnxënie cilësore.
“Arsimi profesional po zhvillohet pa përcaktuar nevojat për mësues e specialistë të kualifikuar e të trajnuar mirë, që garantojnë cilësinë e mësimdhënies e mësimnxënies, në përcaktimin e nevojave për fonde për përmirësimin e kushteve të shkollave dhe kompletimi me reparte e baza prodhuese”, shprehet KLSH.
Ky autoritet gjithashtu i bën thirrje Ministrisë së Arsimit që të krijojë një qasje të re për arsimin dhe formimin professional dhe të hartojë një strategji të re për këtë sistem.
