Një tjetër pyetje që iu bë Ramës ishte lidhur me zgjehdjet e ardhshme dhe koalicionet. “Do i fitoni vetëm, pa LSI?”, ishte pyetja e gazetares.
“Pyetje e shumëpërsëritur e këtij viti. Partneriteti nuk është partneriteti me Ilir Metën, ne i japim partneritetit strategjik formën, por ky partneritet është përtej nesh. Është domosdoshmëri shoqëria për qendrën e majtë që bën reformat që ka bërë. Pastaj dallimet, problemet, difektet janë të rëndësishme por nuk janë të arsyeshme për të vënë në diskutim parteritetin strategjik. Për ne nuk ka nevojë taktike, nëse për LSI ka atëherë është e respektueshme. Partneriteti shkon përtej mandatit tim apo të Ilir Metës. Thelbi është që Shqipëria ka vuajtur kur kjo forcë ka qenë e ndarë.”, u shpreh fillimisht Rama.
Ai u ndal edhe tek koalicioni i mëparshëm, ai i LSI-së dhe PD-së:
“Ilir Meta mendon që koalicioni me PD ka qenë i suksesshëm, unë mendoj se ai mandat I PD-së ka qenë mandate vuajtje, jo për shkak të LSI-së. I vetmi institucion në PD është Sali Berisha. I vetmi institiucion që ka dhe njeh PD. Më thoni një reformë reale të tyre, një seKtor ku ne nuk gjetëm gërmadhat e mosreformimit. Korrupsioni nuk është çështje individësh, por çështje sistemi. Që korrupsioni të mos thellohet nuk duhet të lejohet.”
Çështja e azilkërkuesve shqiptarë ishte një tjetër çështje ku Rama u ndal. Në përgjigje të kësaj pyetje, nuk mungoi batuta e tij me gazetarën.
“A ka ndonjë rrezik Shqipëria lidhur me azilkërkuesit? E nisim nga A-ja? Përse shqiptarët kërkojnë azil? Sepse kërkojnë punë siç e kanë të tjerët, polakët. Janë miliona njerëz nga vendet ish-komuniste që zhvendosen brenda vendeve të BE-së. Shqiptarët po ashtu kërkojnë azil për të ndenjtur në këto vende. Në këtë proces, e përsëris që shqiptarët lëvizin dhe synojnë që të qëndrojnë duke përdorur procedurën e azilit. Shqiptarët janë të parët që kthehen vullnetarisht. Nuk lexoj unë letra ambasadorësh. Nuk ka rrezik Shqipëria që t’i vihen vizat.
Tani Elona unë e di që ti je blu por je blu e hapur, mos u bëj e mbyllur.”
(XH.A/SHUPLAKA)
