3 ditë pas zgjedhjeve të së dielës, Kosova është drejt koalicionit të madh mes Vetëvendosjes dhe LDK-së, me Albin Kurtin që është shumë pranë karriges së kryeministrit.
Në një lidhje telefonike për Fax News Albulena Haxhiu tha se koalicioni me LDK-në është shumë pranë, dhe gjatë ditës së nesërme pritet që të ketë një takim mes liderve të këtyre forcave politike.
Haxhiu tha se për të krijuar qeverinë e re do të duhet të pritet të paktën dhe disa javë, pasi duhet që të certifikohet rezultati final i zgjedhjeve.
Deputetja Haxhiu tha se Vetëvendosja është forcë e parë, dhe për këtë shkak kandidatin për kryeministër e propozon ajo.
“Ajo që dihet tashmë është që Vetëvendosje e ka kandidatin e saj për kryeministër, gjë që është pranuar dhe nga LDK. Unë nuk do të doja të hyja në paragjykime, pasi jemi jashtëzakonisht optimist që ky koalicion do të arrihet, ne përveç LDK do të kërkojmë dhe përfaqësuesit e minoriteteve joserbe që të jenë pjesë e qeverisë”, u shpreh Haxhiu për Faxnews.
(E.K/Faxweb.al)
Discussion about this post