Deputeti i PD-së Astrit Patozi, ironizon situatën politike në vend, e cila është mjaft e tensionuar për shkak të mosmarrëveshjeve PS-LSI, bojkotit të parlamentit nga opozita e cila kërkon qeveri teknike dhe zgjedhjeve që po afrojnë.
Sipas Patozit, Shqipëria ngjan me lojën me luledele, kur kreu i LSI-së këput petalet dhe të tjerët presin se çfarë do u teprojë.
“…Kryesisht për shkak te Edi Ramës, Shqipëria sot më ngjason me atë testin klasik të luledeles, “më do, s’më do”. Ku petalet i këput Ilir Meta dhe gjithë të tjerët mbajnë frymën, se çfarë do teprojë për ta në goditjen e fundit.”, shkruan Patozi.
REAGIMI I PATOZIT
…MË DO, S’MË DO?
…Kryesisht për shkak te Edi Ramës, Shqipëria sot më ngjason me atë testin klasik të luledeles, “më do, s’më do”. Ku petalet i këput Ilir Meta dhe gjithë të tjerët mbajnë frymën, se çfarë do teprojë për ta në goditjen e fundit.
Më argëton shumë kjo lojë, sinqerisht, kur përfytyroj suspancën e palëve të interesuara, se si u ndryshon adrenalina nga dita e qametit, që ata mendojnë se po afrohet.
Por më dhimbset po kaq shumë atdheu, që ka mbërritur në këtë pikë…(D.D/Shuplaka)
