Zgjedhja e Presidentit të ri është një nga çështjet më të diskutueshme të këtyre dy ditëve të fundit. Ende asnjë emër zyrtar ndërkohë që sot pritet konferenca e Kryetarëve për të vendosur për datat e nisjes së procedurave.
Ditën e djeshme ishte kreu i grupit Parlamentar të PS-së Gramoz Ruçi ai që në një letër drejtuar Kreut të Kuvendit Meta i kërkonte atij nisjen e procedurave. Përgjigja e Metës nuk vonoi dhe pak orë më vonë lajmëroi mbledhjen e konferencës së kryetarëve.
Nga ana tjetër një takim mes tij dhe kryeministrit Rama në orët e vona të pasdites së djeshme shumë është përfolur që diskutimet të kenë qenë në lidhje me emrin e Presidentit të Ri.
Rama ka thënë se zgjedhja e Presidentit do të vijë vetëm përmes një konsultimi me aleatin qeverisës LSI-në. Një nga emrat e përfolur deri më tani për tu zgjedhur në postin e Presidentit është edhe Mimi Kodheli, ministrja e Mbrojtjes.
Vetë ajo e pyetur në ‘Natë me Xhaxhiun’ mbi mundësinë e kandidimit është shprehur se do të ishte e nderuar po ti vinte një propozim i tillë.
Për të parë më shumë rreth zhvillimeve në lidhje me emrin e Presidentit të Ri do të na duhet të presim ditën e sotme ku do të vendosen dhe datat kur Kuvendi do nis procedurat. (E.K/SHUPLAKA)
Discussion about this post