Me rastin e festive të fundvitit ministrja Mimi Kodheli ka shpërndarë dhurata për fëmijët e Forcës Detare. Në këtë event ishte i pranishëm edhe Komandanti i Forcës Detare, gjeneral brigade Ylber Dogjani, po kështu edhe ushtarakë dhe familjarët e tyre.

Ky aktivitet u zhvillua në mjediset e Komandës së Forcave Detare në Durrës dhe po kështu u mundësua edhe një lidhje me “Skype” me  ekuipazhin e anijes “Oriku” i cili ndodhet në misionin e NATO-s në detin Egje, “Sea Guardian”.

Mimi Kodheli u shpreh se  ishte e kënaqur për përgatitjen e fëmijëve dhe theksoi arritjen e veçantë të detarëve të saj, siç është pjesëmarrja e saj në të parin mision ndërkombëtar detar të flotës sonë.

“ Ju do të hyni në historinë e Flotës Detare  dhe Forcave të Armatosura të Republikës së Shqipërisë, si pjesëtarrët e parë të një anije që merr pjesë në një mision të NATO-s, në shërbim të qytetarëve të kësaj bote. Ju po bëni gjënë e duhur me fisnikëri dhe seriozitet, ashtu siç jam  bindur që janë edhe virtyte që do ju karakterizojnë, tha ajo. Njëkohësisht i siguroi ata për shëndetin e fëmijëve të tyre në këto ditë festash.

Pas shpërndarjes së dhuratave  të pranishmit përshëndetën ekuipazhin e anijes së “Orikut “si edhe realizuan fotot e rastit. (J.V/Shuplaka)

[ngg_images source=”galleries” container_ids=”246″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]