Ministrja e Mbrojtjes, Mimi Kodheli, ka komunikuar së fundmi në Komisionin e Sigurisë se trupat ushtarake shqiptare do të bashkangjiten në luftën kundër Shtetit Islamik. Mësohet se prania e tyre është kërkuar nga Shtetet e Bashkuara të Amerikës.
“Ligji i ri për praninë e ushtarakëve tanë në luftën kundër ISIS. Prania e trupave ushtarake është kërkuar nga Shtetet e Bashkuara të Amerikës, të cilët kanë kërkuar praninë e trupave tanë. Në mision marrin pjesë edhe vende të NATO-s dhe partnerë të aleancës.”, mësohet të jetë shprehur ajo.
Në fjalën e saj, ajo bëri me dije se janë hequr dënimet për ish-ushtarakët, si dhe ushtria është pajisur me armatim të ri. “Kemi dyfishuar prezencën tonë ushtarake në Afganistan.”, ka bërë gjithashtu me dije Kodheli. (XH.A/SHUPLAKA)
