“Ramë dakord me presidentin që kjo marrëveshja për detin te mos dështojë në një kohë që jemi afër çeljes së negociatave. Negociatat duhet të jenë në të mirë të dy vendeve dhe në të mirë të shqiptarëve. Ne kemi një eksperiencë negative në këtë çështje, pasi Gjykata Kushtetuese hodhi poshtë marrëveshjen e vitit 2009”.
Kështu u shpreh ish-ministrja e Mbrojtjes, Mimi Kodheli pas takimit në Komisionin Parlamentar të Politikës së Jashtme me presidentin e Republikës, Ilir Meta.
E pyetur nga gazetarët nëse janë diskutuar me presidentin Meta emrat e negociatorëve, konkretisht për emrin e kontestuar nga opozita Artur Mecollari, ish ministrja e mohoi.
Kodheli u shpreh për mediat se nuk u diskutua për çështjet e negociatorëve dhe emrat që bëjnë pjesë në grupin e negocimit.
“Grupit të negociatorëve mund t’i bashkohen edhe profesorë edhe ekspertë në rolin e këshilltarëve.”– tha Kodheli.
(E.L/Faxweb)
Discussion about this post