Ministrja e mbrojtjes Mimi Kodheli ka qenë e ftuar mbrëmë në emisionin ‘’Fol me mua fol me ata’’ të gazetarit Enkel Demi në ‘’TVSH’’. Ministrja ka kometuar disa nga çështjet më me interes si lakimi i merit të saj për postin e Presidentit apo dhe marrëdhëniet me vendet fqinje.
Kodheli foli dhe për veshjen si ushtarak të Ministrit të Mbrojtjes së Greqisë, Panos Kamenos, duke e konsideruar si një gabim dhe pa sens qëndrimin e homologut të saj grek.
“Veshja si ushtarak e tij nuk ka sens, por besoj se ka qënë një sjellje për konsum të brendshëm politik. E kam takuar ministrin Kamenos në ministerialin e shkurtit ku e kam pyetur nëse ishte qetësuar qysh atëhere kur doli si ushtarak. Ai e kuptoi pyetjen time dhe me delikatesë me tha “po jam qetësuar”- tha Kodheli
Pak muaj me parë Ministri i Mbrojtjes së Greqisë, Panos Kamenos u shfaq i veshur si ushtarak në kufi me Shqipërinë duke folur me nota kërcenuese.
Ndërkohë, e pyetur mbi mardhëniet Shqipëri-Greqi ministrja Kodheli tha se mardhëniet janë me shumë sesa korrekte, si duhet të jenë dy vende antare të Nato-s.
E pyetur për një koalicion me bazë të gjerë PS-PD ministrja tha se parimisht një koalicion i tillë do të ishte i vlefshëm.
Megjithatë ajo thotë se referuar nivelit të demokracisë në Shqipëri, kjo është një zgjidhje disi e pamundur.
Ajo thotë se koalicioni me bazë të gjerë është karakteristikë e vendeve me demokraci të konsoliduar. Ajo nuk e sheh si përpjekje për të goditur LSI-në, por si një zgjidhje për krizën. Kodheli theksoi se LSI ka një pozicion mjaft të rëndësishem si ekuilibruese e dy forcave të mëdha politike. (E.K/SHUPLAKA)
Discussion about this post