Në fundvit është edhe momenti që bëhen bilancet, madje nxirren edhe fituesit nëpër sondazhe. Nga një sondazh i gazetës “Koha jonë”, Gazetari i Vitit është shpallur gazetari, analisti, reportazhisti, editorialisti, ish-këshilltari i Ilir Metës, dhe së fundmi edhe moderator, Lorenc Vangjeli.
Në vitet e fundit Lorenci është editorialist në “Javanews.al” dhe opinionist i gazetës “Koha Jonë”. Pra gazeta shpall fitues opinionistin e saj.
”Lorenc Vangjeli merr pjesë rregullisht në debatet mediatike në lidhje me temat më kritike të politikës në Shqipëri prandaj e shihni shpesh në studion e emisionit “Opinion”, duke thënë të vërteta të trishtuara me humor dhe herë duke dëshmuar të vërteta cinike nga ato që Tirana politike i njeh mirë, jo në tentativë për të gjetur të mesmen e artë që mungon, por për të shënjuar se çfarë mund të bashkojë në Tiranë, kryesisht hallet dhe problemet e publikut.
Prej gati dy muajsh, Lorenc Vangjeli është shfaqur edhe si moderator televiziv i një formati të veçantë, emisioni “Java”, i pari në Shqipëri pa një moderator klasik, një emision që komenton ndryshe dhe më thellë atë që shohin të gjithë”, është sqarimi që jep ”Koha Jonë” në lidhje me çmimin.
(E.K/FAXWEB)
Discussion about this post