Zv/ministrja e Arsimit, Nora Malaj, njëherazi edhe kandidatja e dytë në listën e LSI-së për deputete në qarkun e Durrësit, ka parashtruar propozimet për kthesë në arsim të LSI-së.
Sipas zv/ministres së Arsimit ka ardhur koha që për një erë të re në arsimin shqiptar.
Gjatë bashkëbisedimit me banorët e lagjes nr. 17, përveçse u ndal në nevojën për reformë rrënjësore në arsim, ajo foli për dy sfida: për ushqim bio në shkolla dhe kthimin në punë në arsim të mësuesve të dalë në pension.
“Një nga sfidat e para që së bashku me ekipin e LSI , do të bëjmë, është që japim shansin dhe të fillojmë një erë të re në sistemin e arsimit, duke futur ushqimin si pjesë e domosdoshme, por jo ushqimin si të detyruar por, bio me standard dhe cilësi.
Jo vetëm kaq, por të ndihmojmë të gjithë arsimtarët që kanë dalë në pension, por që janë të aftë, që dy orë në ditë, të vijnë dhe të japin kontribut në shkollë që të ndihmojë prindërit që kanë nevojë, pasi vetëm kështu ne mund të realizojmë një sfidë të përbashkët, që ti bëjmë qytetarët tanë dhe fëmijët tanë të aftë për të mësuar.”, u shpreh Malaj.
(XH.A/SHUPLAKA)
Discussion about this post