“Koha për zgjidhjen politike”, Basha tjetër mesazh Ramës : Europa e dëgjoi zërin e shqiptarëve të bashkuar

Kryedemokrati Lulzim Basha, reagoi sërish për protestën e djeshme. Me një video nga protesta, të cilën e publikoi në Facebook, Basha shkruan se Europa e dëgjoi zërin e shqiptarëve.

Postimi i Bashës

Lulzim Basha

Beteja jonë është për Shqipërinë si gjithë Europa!
Europa e dëgjoi zërin e shqiptarëve të bashkuar. Çdo ëndërr për të sunduar si despot lindor, popullin perëndimor të Shqipërisë, do të marrë përgjigjen e merituar. Shqiptarët nuk do të pranojnë kurrë më paligjshmërinë e një qeverie të dalë nga zgjedhjet e faktuara të vjedhura. Nuk do të pranojnë më zgjedhje fallso të kryeministrit të kapur në krim.
Tani është koha për zgjidhjen politike, largimin e Edi Ramës, qeveri tranzitore, zgjedhje të lira dhe të ndershme. #ShqipëriaSiEuropa