Kryeministri Edi Rama i është rikthyer anketimit të disa muajve më parë të Komisionit Europian, për të kthyer në vëmendje Policinë e Shtetit, për të cilin ai shkruan se rezulton institucioni më i besuar për shqiptarët. Kjo si përgjije ndaj ministrit të LSI-së, Lefter Kokës.
Kreu i Qeverisë i referohet Indeksit të Besimit tek institucionet.
“Pas anketimit të bërë disa muaj më parë nga Komisioni Europian, POLICIA E SHTETIT konfirmohet përsëri si institucioni më i besuar i shqiptarëve në Indeksin e Besimit tek Institucionet.”, shkruan Edi Rama.
Një ditë më parë, ministri i Mjedisit u shpreh gjatë një interviste lidhur me trafikun e drogës në Shqipëri. “Në Shqipëri nuk duhet të ketë dhe nëse ka kanabis, ka bashkëpunëtorë, janë disa njerëz që kanë lidhjet e tyre dhe ata i punësojnë gjithë këta njerëz për të mbjellë parcela të tëra toke. Sepse nuk janë punëtorët ata që kultivojnë hashashin për fituar një copë bukë. Janë organizata bashkëpunimi me njerëz që bëjnë këtë aktivitet të paligjshëm, është emergjente ndërhyrja, unë vij nga Durrësi dhe kuptoj realitetin e tij.”, tha ai ndër të tjera.
Koka akuzoi aleatë të PS-së se po përdorin eksponentë të Policisë për të deformuar rezultatin e zgjedhjeve, (XH.A/SHUPLAKA)
