Jo më larg se dje në Kosovë u arrestuan një numër shumë i madhe pedagogësh, të cilët akuzohen si gylensit dhe do të dërgohen për në Turqi.
Ndërkohë e njëjta situatë mund të ndodhë edhe në vendin tonë. Ambasadori i Republikës së Turqisë në Tiranë, Murat Ahmet Yörük në një intervistë për emisionin “Diplomaticus”, tha se Shqipëria ka një potencial shumë të fuqishëm për turizëm dhe se Vlora e cila sipas tij ka bregdetin më të bukur në Ballkan.
“Ne e dimë se aeroporti që do të ndërtohet në Vlorë do të luajë rolin e dinamos në shpërthimin e turizmit në vend”, tha ambasadori.
Murat Ahmet Yörük nënvizoi rëndësinë që ka se “organizata terroriste tradhtare dhe e maskuar e quajtur FETO” tha ai, “shtiu në dorë sektorin e arsimit në Shqipëri dhe ende vazhdon”. Edhe pse duhet thënë se ka pasur një sërë ‘’spastrimesh” mesa duket nuk janë të mjaftueshme për shtetin turk.
“Ju lutem nuk duhet të harroni se “FETO”, kur e shikon të arsyeshme dhe sipas udhëzimeve që merr, është një organizatë terroriste që mund të krijojë kaos politik në vendin ku ndodhet dhe të shkatërrojë rendin kushtetues. Ne këtë e jetuam më 15 korrik”, tha ambasadori.
Po ashtu një tezë që është hedhur në qarkullim së fundi është se Erdogan i ka kërkuar Ramës që në krye të komunitetit mysliman të mos jetë Skender Bruçaj, ndryshe presidenti turk nuk do të jetë i pranishëm në inagurimin e xhamisë së re, që është mbështetur me fonde nga ana e Turqisë. E megjithatë të gjitha këto mbeten në kuadër të spekulimeve.
(E.K/FAXWEB.AL)
Discussion about this post