Ministri Lefter Koka ka ashpërsuar diskursin e tij ndaj aleatëve të qeverisjes duke sulmuar drejtpërdrejt punën e Ministrisë së Brendshme.
Sipas tij, kanabisi është kthyer në fenomen kombëtar që nuk po luftohet siç duhet nga policia. Kjo sipas tij sepse policia e Durrësitt ka për eksponentë, njerëz të emëruar në mënyrë nepotike që kërkojnë të ndëshkojnë aletatët.
Policia e Durrësit, sipas Kokës, po bashkëpunon me trafikantët dhe kultivuesit e kanabisit.
“Ta quash të suksesshme luftën ndaj drogës është fyerje për qytetarët”-deklaroi Koka.
Koka ka deklaruar se në policinë e Durrësit ka titullarë kriminelë që dhunojnë qytetarët e ndershëm, pasi kanë për qëllim të bëjnë fitues partinë e tyre, për të mbajtur pozicionet që kanë.
“Banda e policisë së Durrësit po dhunon pjesën më të mirë të asaj policie që janë qytetarë të ndershëm. Në krye të policisë së Durrësit janë kriminelë që dhunojnë qyetarët”-tha Koka. (A.H/Shuplaka.com)
