Mediat greke kanë nxjerrë detaje të reja mbi operacionin e zhvilluar pak ditë më parë, dhe ku u sekuestrua një sasi e madhe kokaine që kishte si destinacion portin e Durrësit.
Informacioni fillestar sipas mediave mbërriti në Autoritetin e Selanikut në natën e 2 gushtit, dhe prej atëherë është kapur në total një sasi që llogaritet të shkojë në fund të operacionit në 700 kilogramë kokainë. Një person i panjohur denoncoi fillimisht se në një frigorifer janë gjetur 47 pako me 51 kg kokainë, që vinin nga Kolumbia.
Që nga sekuestrimi i parë, më 3 gusht, hetimet sekrete janë kryer në Pire dhe në Selanik deri më tani, qindra kontejnerë janë kontrolluar nga Ekuadori me pajisje me rreze x, dhe Policia, Autoriteti Portual, NSH dhe OST janë instaluar me ekipe në port.
Mësohet se 100 kilogramë kokainë janë gjetur në kontenierët e një prej kompanive më të njohura që tregton banana në të gjithë botën.
Mediat greke raportojnë se pas trafikut të kësaj sasie të madhe kokaine fshihet mafia shqiptare, që operon kryesisht në qytetet e Fierit dhe të Elbasanit.
Mediat greke flasin dhe për vijimin e operacionit në Shqipëri, dhe kurthin e dështuar të policisë.
“Edhe pse mafia shqiptare është në krye të trafikut të drogës, raportet e fundit në shtypin shqiptar, në të vërtetë, shkojnë në një hap më tej, për të treguar dy organizata të mëdha të bazuara në qytetet e Fierit dhe Elbasanit”, shkruajnë mediat greke.
Mësohet se në portin e Pireut dhe Selanikut, është kryer një skanim i 300 ngarkesave me banana, dhe është gjetur kokainë në 12 prej kontenierëve./Faxweb.al
Discussion about this post